ഉപരാഷ്ട്രപതി തെരഞ്ഞെടുപ്പ്: വോട്ടെടുപ്പും ഫലപ്രഖ്യാപനവും സെപ്തംബര്‍ ഒന്‍പതിന്
ജൂലൈ 21ന് ജഗ്ദീപ് ധൻകർ രാജിവച്ചതിനെത്തുടർന്നാണ് തെരഞ്ഞെടുപ്പ് നടത്തുന്നത്
ന്യൂഡൽഹി: ഉപരാഷ്ട്രപതി തെരഞ്ഞെടുപ്പ് തീയതി പ്രഖ്യാപിച്ച് കേന്ദ്ര തെരഞ്ഞെടുപ്പ് കമ്മിഷൻ. സെപ്തംബർ ഒന്‍പതിന് തെരഞ്ഞെടുപ്പ് നടക്കും. ജൂലൈ 21ന് ജഗ്ദീപ് ധൻകർ രാജിവച്ചതിനെത്തുടർന്നാണ് തെരഞ്ഞെടുപ്പ് നടത്തുന്നത്.
ഓഗസ്റ്റ് 21 വരെ നാമനിർദേശപത്രികകൾ സ്വീകരിക്കും. ഓഗസ്റ്റ് 25 ആണ് പത്രികകൾ പിൻവലിക്കേണ്ട അവസാന തീയതി. സെപ്തംബർ ഒന്‍പതിന് ഫലപ്രഖ്യാപനം ഉണ്ടാകും. 2022ൽ ഓഗസ്റ്റ് ആറിന് നടന്ന തെരഞ്ഞെടുപ്പിലാണ് 16ാമത് ഉപരാഷ്ട്രപതിയായി ധൻകർ തെരഞ്ഞെടുക്കപ്പെട്ടത്.
What's Your Reaction?
