സി.പി.എമ്മിന്‍റെ അമരത്ത് എം.എ. ബേബി; ജനറൽ സെക്രട്ടറിയ്ക്കായള്ള ശുപാര്‍ശയ്ക്ക് പോളിറ്റ് ബ്യൂറോയുടെ അംഗീകാരം

മധുര: സി.പി.എമ്മിന്‍റെ അമരത്ത് എം.എ. ബേബി. സി.പി.എം ജനറൽ സെക്രട്ടറിയ്ക്കായി എം.എ. ബേബിയെ നിയമിക്കാനുള്ള ശുപാര്‍ശ പോളിറ്റ് ബ്യൂറോ അംഗീകരിച്ചു.

പുതിയ കേന്ദ്ര കമ്മിറ്റി യോഗത്തിൽ ജനറൽ സെക്രട്ടറി തെരഞ്ഞെടുപ്പിൽ വോട്ടെടുപ്പുണ്ടാകില്ല. ബംഗാള്‍ ഘടകം വോട്ടെടുപ്പ് ആവശ്യപ്പെട്ടില്ല. സീതാറാം യെച്ചൂരിയുടെ പിൻഗാമിയായിട്ടാണ് എം.എ. ബേബി ജനറൽ സെക്രട്ടറി സ്ഥാനത്തേക്ക് എത്തുന്നത്.  ഇ.എം.എസിനു ശേഷം ജനറൽ സെക്രട്ടറിയാകുന്ന മലയാളിയാണ് എം.എ. ബേബി.

ഇന്ന് രാവിലെ ചേര്‍ന്ന പി.ബി. യോഗത്തിലാണ് എം.എ. ബേബിയുടെ പേര് അന്തിമമായി അംഗീകരിച്ചത്. കേന്ദ്ര കമ്മിറ്റി യോഗത്തിൽ എം.എ. ബേബിയുടെ പേര് അംഗീകരിച്ച ശേഷമായിരിക്കും ഔദ്യോഗിക പ്രഖ്യാപനം ഉണ്ടാകുക.