ഓണം ബംപർ ഒന്നാം സമ്മാനം ഇനി 30 കോടി; സമ്മാനഘടനയിൽ വൻ മാറ്റം

തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ ഓണം ബംപർ ലോട്ടറിയുടെ ഒന്നാം സമ്മാനത്തുക സർക്കാർ 30 കോടിയായി ഉയർത്തി. ഇതുവരെ 25 കോടിയായിരുന്ന ഒന്നാം സമ്മാനമാണ് 5 കോടി വർധിപ്പിച്ചത്. സമ്മാനഘടനയിലും മാറ്റം വരുത്തിയിട്ടുണ്ട്. നേരത്തെ 50 ലക്ഷം രൂപയായിരുന്ന മൂന്നാം സമ്മാനം ഇനി 25 ലക്ഷം രൂപ വീതം 20 പേർക്കാണ് ലഭിക്കുക.

ഓണം ബംപർ ടിക്കറ്റിന്റെ പ്രകാശനം ജൂലൈ 17ന് മുഖ്യമന്ത്രി വി.ഡി. സതീശൻ നിർവഹിക്കും. ടിക്കറ്റ് വിലയിൽ മാറ്റമില്ല. 500 രൂപ തന്നെയാണ് വില.

രാജ്യത്ത് ഏറ്റവും ഉയർന്ന ലോട്ടറി സമ്മാനത്തുക നൽകുന്ന സംസ്ഥാനമെന്ന നില കേരളം ഇത്തവണയും നിലനിർത്തുന്നു. ആദ്യഘട്ടത്തിൽ 90 ലക്ഷം ടിക്കറ്റുകളാണ് ഏജന്റുമാർക്ക് നൽകാൻ തീരുമാനിച്ചിരിക്കുന്നത്. ആവശ്യകത അനുസരിച്ച് കൂടുതൽ ടിക്കറ്റുകൾ അച്ചടിക്കും.

ടിക്കറ്റ് സീരീസുകൾ: TA, TB, TC, TD, TE, TG, TH, TJ, TK, TL.

???? സമ്മാനങ്ങൾ

• ഒന്നാം സമ്മാനം – 30 കോടി രൂപ (1 പേർ)

• രണ്ടാം സമ്മാനം – 1 കോടി രൂപ വീതം 20 പേർക്ക് (ഓരോ സീരീസിലും 2 വീതം)

• മൂന്നാം സമ്മാനം – 25 ലക്ഷം രൂപ വീതം 20 പേർക്ക് (ഓരോ സീരീസിലും 2 വീതം)