'പ്രതീക്ഷയോടെ കാത്തിരിക്കുകയാണ്, ബ്ലഡ് മണി യമന്‍ പൗരന്‍റെ കുടുംബം ആവശ്യപ്പെട്ടിട്ടില്ല': നിമിഷ പ്രിയയുടെ ഭര്‍ത്താവ് ടോമി തോമസ്

തിരുവനന്തപുരം: യെമനിൽ വധശിക്ഷയ്ക്ക് വിധിക്കപ്പെട്ട മലയാളി നഴ്സ് നിമിഷപ്രിയയുടെ മോചനം സാധ്യമാകുമെന്നാണ് പ്രതീക്ഷയെന്ന് ഭ‍ർത്താവ് ടോമി തോമസ്. 'ഗവർണറെ ഉൾപ്പെടെ കണ്ട് കാര്യങ്ങൾ പറഞ്ഞു. സാധ്യമായതെല്ലാം ചെയ്യാമെന്ന് ഗവർണർ ഉറപ്പ് നൽകി. കേന്ദ്ര സംസ്ഥാന സർക്കാരുകൾ വിഷയത്തിൽ നന്നായി ഇടപെടുന്നുണ്ടെന്നും' ടോമി തോമസ് പറഞ്ഞു.

'നിമിഷപ്രിയയുടെ മോചനം സാധ്യമാകുമെന്നാണ് പ്രതീക്ഷ. നിമിഷപ്രിയയുമായി ഫോണിൽ സംസാരിക്കുന്നുണ്ട്. ഗവർണർ എല്ലാവിധ പിന്തുണയും നൽകുന്നുണ്ട്. കേന്ദ്ര, സംസ്ഥാന സർക്കാരുകളും ഇടപെടുന്നുണ്ട്. പ്രതീക്ഷയോടെ കാത്തിരിക്കുകയാണ്. ബ്ലഡ് മണി യമൻ പൗരന്‍റെ കുടുംബം ഇതുവരെ ആവശ്യപ്പെട്ടിട്ടില്ല, ആവശ്യപ്പെട്ടാൽ നൽകാൻ തയ്യാറാണ്. യമനും ഇന്ത്യയും തമ്മിൽ നയതന്ത്ര ബന്ധം ഇല്ലാത്തതാണ് മോചനം വൈകാൻ കാരണമെന്നും' ടോമി പറഞ്ഞു.