വെസ്റ്റ് ഇൻഡീസിന്‍റെ ഇന്ത്യൻ പര്യടനം സെപ്തംബറിൽ; ആദ്യ ഏകദിനം കാര്യവട്ടത്ത്

തിരുവനന്തപുരം: ക്രിക്കറ്റ് പ്രേമികൾക്ക് ആവേശമായി വെസ്റ്റ് ഇൻഡീസിന്റെ ഇന്ത്യൻ പര്യടനത്തിന് സെപ്തംബറിൽ തുടക്കമാകുന്നു. മൂന്ന് ഏകദിനങ്ങളും അഞ്ച് ടി20 മത്സരങ്ങളുമാണ് പര്യടനത്തിലുള്ളത്. പരമ്പരയിലെ ആദ്യ ഏകദിനത്തിന് തിരുവനന്തപുരം കാര്യവട്ടം ഗ്രീൻഫീൽഡ് സ്റ്റേഡിയം വേദിയാകുമെന്നത് മലയാളി കായികപ്രേമികൾക്ക് ഇരട്ടി മധുരമായി.

സെപ്തംബർ 27-നാണ് തിരുവനന്തപുരത്ത് ആദ്യ ഏകദിനം നടക്കുന്നത്. തുടർന്ന് ഗുവാഹത്തിയിലും ചണ്ഡീഗഡിലുമായി ഏകദിന പരമ്പര പൂർത്തിയാകും. തൊട്ടുപിന്നാലെ ഒക്ടോബർ ആറ് മുതൽ ടി20 പോരാട്ടങ്ങൾക്കും തുടക്കമാകും.

മത്സരക്രമം ഒറ്റനോട്ടത്തിൽ:

ഏകദിന പരമ്പര:

സെപ്തംബർ 27: ആദ്യ ഏകദിനം - കാര്യവട്ടം ഗ്രീൻഫീൽഡ് സ്റ്റേഡിയം, തിരുവനന്തപുരം.

സെപ്തംബർ 30: രണ്ടാം ഏകദിനം - ഗുവാഹത്തി.

ഒക്ടോബർ 03: മൂന്നാം ഏകദിനം - ചണ്ഡീഗഡ്.

ടി20 പരമ്പര:

അഞ്ച് മത്സരങ്ങളടങ്ങിയ ടി20 പരമ്പര ഒക്ടോബർ 6 മുതൽ 17 വരെയാണ് നടക്കുന്നത്. പ്രധാന വേദികൾ താഴെ പറയുന്നവയാണ്:

ലഖ്‌നൗ

റാഞ്ചി

ഇൻഡോർ

ഹൈദരാബാദ്

ബംഗളൂരു

അന്താരാഷ്ട്ര ക്രിക്കറ്റ് മത്സരങ്ങൾക്ക് വീണ്ടും വേദിയാകാൻ ഒരുങ്ങുന്ന കാര്യവട്ടം സ്റ്റേഡിയത്തിൽ കാണികളുടെ വലിയ പങ്കാളിത്തമാണ് പ്രതീക്ഷിക്കുന്നത്. സെപ്തംബർ അവസാന വാരം മുതൽ ഒക്ടോബർ പകുതി വരെയാണ് വിൻഡീസ് പട ഇന്ത്യയിലുണ്ടാവുക.