20,000 രൂപ താഴെ വിലയില്‍ സാംസങിന്‍റെ പുതിയ ഫോണ്‍; ഗാലക്സി എ17 ഫൈവ് അവതരിപ്പിച്ചു

പ്രമുഖ സ്മാര്‍ട്ട്ഫോണ്‍ നിര്‍മാതാക്കളായ സാംസങ്ങിന്റെ പുതിയ ഫോണ്‍ ഗാലക്സി എ17 ഫൈവ് ജി വിപണിയില്‍ അവതരിപ്പിച്ചു. ഇന്ത്യയിലെ ജനപ്രിയ ഗാലക്സി എ-സീരീസ് വിപുലീകരിച്ചാണ് പുതിയ ഫോണ്‍ വിപണിയില്‍ എത്തിച്ചത്. കമ്പനിയുടെ ഏറ്റവും മെലിഞ്ഞതും ഏറ്റവും താങ്ങാനാവുന്ന വിലയിലുള്ളതുമായ എഐ- അധിഷ്ഠിത സ്മാര്‍ട്ട്ഫോണാണിത്. ഒഐഎസ്-അധിഷ്ഠിത കാമറയാണ് മറ്റൊരു പ്രത്യേകത.

റീട്ടെയില്‍ സ്‌റ്റോറുകളിലും പ്രധാന ഓണ്‍ലൈന്‍ പ്ലാറ്റ്ഫോമുകളിലും ഇന്നു മുതല്‍ ഗാലക്സി എ17 ഫൈവ് ജി ലഭ്യമാകും. നീല, ചാര, കറുപ്പ് എന്നി മൂന്ന് പുതുമയുള്ള നിറങ്ങളില്‍ ഫോണ്‍ ഉപഭോക്താക്കളുടെ കൈയിലെത്തും

18,999 രൂപയ്ക്ക് 6 ജിബി റാമും 128 ജിബി സ്റ്റോറേജും 20,499 രൂപയ്ക്ക് 8 ജിബി റാമും 128 ജിബി സ്റ്റോറേജും 23,499 രൂപയ്ക്ക് 8 ജിബി റാമും 256 ജിബി സ്റ്റോറേജുമുള്ള ഫോണുകളാണ് ലഭിക്കുക. മൈക്രോ എസ്ഡി കാര്‍ഡ് വഴി 2 ടിബി വരെ വികസിപ്പിക്കാവുന്ന സ്റ്റോറേജും ഈ ഫോണിന്റെ പ്രത്യേകതയാണ്.

6.7 ഇഞ്ച് ഫുള്‍ എച്ച്ഡി+ സൂപ്പര്‍ അമോലെഡ് ഡിസ്പ്ലേയാണ് ഈ ഹാന്‍ഡ്സെറ്റിലുള്ളത്. 7.5 എംഎം കനവും 192 ഗ്രാം ഭാരവുമുള്ള ഗാലക്സി എ17 ഈ സെഗ്മെന്റിലെ ഏറ്റവും മെലിഞ്ഞ സ്മാര്‍ട്ട്ഫോണാണ്. ഉടനടി ഉത്തരം ലഭിക്കത്തക്ക വിധം ജെമിനി ലൈവ് എഐ ഫീച്ചറാണ് മറ്റൊരു പ്രത്യേകത. ഫോണിലെ വോയ്സ് മെയില്‍, കോളുകള്‍ക്ക് മറുപടി ലഭിക്കാത്തപ്പോള്‍ വിളിക്കുന്നവര്‍ക്ക് സന്ദേശങ്ങള്‍ അയയ്ക്കാന്‍ സഹായിക്കുന്നു.