വിവാദമായ ആക്കുളം ഗ്ലാസ് പാലത്തിന് നവീകരണം നിർദ്ദേശച്ച് എൻ.ഐ.ടി-കാലിക്കറ്റ്

തിരുവനന്തപുരം: സംസ്ഥാനത്തെ ഏറ്റവും നീളമേറിയ പാലമെന്ന വിശേഷണമുള്ള വിവാദമായ ആക്കുളം ഗ്ലാസ് പാലത്തിന്റെ സുരക്ഷാ വിലയിരുത്തലിന് ശേഷം കൂടുതൽ സുരക്ഷാ നവീകരണത്തിന് നാഷണൽ ഇൻസ്റ്റിറ്റ്യൂട്ട് ഓഫ് ടെക്‌നോളജി-കാലിക്കറ്റ് (എൻഐടി-സി) ശുപാർശകൾ സമർപ്പിച്ചു.

ചില്ലുപാലത്തിൻ്റെ സുരക്ഷ വർധിപ്പിക്കുന്നതിന് ഗ്ലാസ് പാനലുകൾക്ക് ബീഡിംഗുകൾ നൽകണമെന്ന് സുരക്ഷാ വിലയിരുത്തൽ റിപ്പോർട്ടിൽ ശുപാർശ ചെയ്തിട്ടുണ്ടെന്നാണ് വിവരം.

1.2 കോടി രൂപ ചെലവിൽ നിർമിച്ച പാലം കഴിഞ്ഞ വർഷം മാർച്ചിൽ പൊതുജനങ്ങൾക്കായി തുറന്നുകൊടുക്കുമെന്നായിരുന്നു പ്രതീക്ഷിച്ചിരുന്നത്. എന്നാൽ അടിസ്ഥാന സൗകര്യങ്ങളുടെ ഗുണനിലവാരത്തിലും സുരക്ഷാ മാനദണ്ഡങ്ങളിലും ഗുരുതരമായ ആശങ്ക ഉയർത്തുന്ന തരത്തിൽ ഗ്ലാസ് പാലത്തിൽ വിള്ളലുകൾ കണ്ടതിനെത്തുടർന്ന് പാലം തുറക്കുന്നത് വൈകി. ചില്ലുപാലത്തിൽ വിള്ളലുകൾ കാണപ്പെടുന്നത് ആവർത്തിച്ചത് ടൂറിസം വകുപ്പിനെ കുരുക്കിലാക്കുകയും ചെയ്തിരുന്നു.

ആക്കുളം ടൂറിസം വില്ലേജിലെ സാഹസിക വിനോദസഞ്ചാര പ്രവർത്തനങ്ങൾ വട്ടിയൂർക്കാവ് യൂത്ത് ബ്രിഗേഡ് എൻ്റർപ്രണേഴ്‌സ് കോഓപ്പറേറ്റീവ് സൊസൈറ്റിയും (VYBECOS) ജില്ലാ ടൂറിസം പ്രമോഷൻ കൗൺസിലും (DTPC) സംയുക്തമായാണ് നടപ്പാക്കുന്നത്.

BOT (ബിൽഡ് ഓപ്പറേറ്റ് ട്രാൻസ്ഫർ) മാതൃകയിൽ VYBECOS ആണ് ഗ്ലാസ് പാലം നിർമ്മിച്ചത്. 45 മീറ്റർ നീളമുള്ള ഗ്ലാസ് പാലം 75 അടി ഉയരത്തിലാണ് നിർമിച്ചിരിക്കുന്നത്. രണ്ട് ദിവസം മുമ്പാണ് എൻ.ഐ.ടി റിപ്പോർട്ട് സമർപ്പിച്ചതെന്ന് ഔദ്യോഗിക വൃത്തങ്ങൾ അറിയിച്ചു.

പദ്ധതി നടപ്പാക്കുന്ന ഏജൻസിയുടെ മുൻ പരിചയവും വൈദഗ്ധ്യവും സംബന്ധിച്ച സംഭവത്തെ തുടർന്ന് വിവാദങ്ങളുടെ ഒരു പരമ്പര തന്നെ ഉയർന്നിരുന്നു. അതേസമയം സുരക്ഷാ നവീകരണത്തിന് ശേഷം രണ്ട് മാസത്തിനുള്ളിൽ പാലം ടൂറിസം വകുപ്പിന് കൈമാറാൻ കഴിയുമെന്ന് പ്രതീക്ഷയിലാണ് VYBECOS.