പുതിയ ലുക്കിൽ ബജാജ് പൾസർ 125 വിപണിയിൽ; എൽഇഡി ലൈറ്റുകളും പുത്തൻ ഗ്രാഫിക്സും, വില 89,910 രൂപ മുതൽ

വാഹന പ്രേമികളുടെ പ്രിയപ്പെട്ട ബൈക്കായ പൾസർ 125-ന്റെ 2026 പതിപ്പ് ബജാജ് ഓട്ടോ പുറത്തിറക്കി. ഡിസൈനിലും ഫീച്ചറുകളിലും വരുത്തിയ ചെറിയ മാറ്റങ്ങളോടെയാണ് പുതിയ മോഡൽ എത്തിയിരിക്കുന്നത്. സിംഗിൾ സീറ്റ്, സ്പ്ലിറ്റ് സീറ്റ് എന്നിങ്ങനെ രണ്ട് വേരിയന്റുകളിൽ ബൈക്ക് ലഭ്യമാകും.

വില വിവരങ്ങൾ (എക്സ്-ഷോറൂം): സിംഗിൾ സീറ്റ് വേരിയന്റ്: 89,910 രൂപ, സ്പ്ലിറ്റ് സീറ്റ് വേരിയന്റ്: 92,046 രൂപ. (മുൻ മോഡലിനെ അപേക്ഷിച്ച് ഏകദേശം 3,500 രൂപയുടെ വർദ്ധനവാണ് ഉണ്ടായിരിക്കുന്നത്). മുൻഭാഗം  പുനർരൂപകൽപ്പന ചെയ്തു. കൂടുതൽ ആധുനികമായ എൽഇഡി ലാമ്പുകളും എൽഇഡി ടേൺ ഇൻഡിക്കേറ്ററുകളും ഉൾപ്പെടുത്തി.

ബോഡി പാനലുകളിൽ പുതിയ ഗ്രാഫിക്സും ആകർഷകമായ നിറങ്ങളും നൽകി. ബ്ലാക്ക് ഗ്രേ, ബ്ലാക്ക് റേസിംഗ് റെഡ്, ബ്ലാക്ക് സിയാൻ ബ്ലൂ, ടാൻ ബീജുള്ള റേസിംഗ് റെഡ് എന്നീ നാല് കളർ ഓപ്ഷനുകളിൽ ബൈക്ക് ലഭിക്കും. 124.4 സിസി, സിംഗിൾ സിലിണ്ടർ എഞ്ചിൻ. ഇത് 11.64 bhp കരുത്തും 10.8 Nm ടോർക്കും ഉത്പാദിപ്പിക്കുന്നു. 5-സ്പീഡ് ഗിയർബോക്സാണ് ഇതിനുള്ളത്.

മുന്നിൽ 240 mm ഡിസ്ക് ബ്രേക്കും പിന്നിൽ ഡ്രം യൂണിറ്റും സുരക്ഷ ഉറപ്പാക്കുന്നു. ബ്ലൂടൂത്ത് കണക്റ്റിവിറ്റിയുള്ള പൂർണ്ണ ഡിജിറ്റൽ ഇൻസ്ട്രുമെന്റ് ക്ലസ്റ്റർ, യുഎസ്ബി ചാർജിംഗ് പോർട്ട് എന്നിവ പുതിയ പതിപ്പിലുണ്ട്. മുന്നിൽ ടെലിസ്കോപ്പിക് ഫോർക്കുകളും പിന്നിൽ ഗ്യാസ് ചാർജ്ഡ് ട്വിൻ സ്പ്രിങ്ങുകളും യാത്ര സുഗമമാക്കുന്നു. ഹോണ്ട എസ്പി 125, ടിവിഎസ് റെയ്ഡർ തുടങ്ങിയ മോഡലുകളുമായാണ് പൾസർ 125 പ്രധാനമായും മത്സരിക്കുന്നത്.