'പേടിക്കേണ്ടെടാ... ശരിയാക്കാം'; ഇൻസ്റ്റാഗ്രാമിൽ തരംഗമായി 'പൂക്കി മുഖ്യമന്ത്രി' വി.ഡി. സതീശൻ! വൈറൽ എക്സ്പ്രഷന് പിന്നിലെ കഥ വെളിപ്പെടുത്തി സിഎം

കൊച്ചി: സോഷ്യൽ മീഡിയയിൽ പ്രത്യേകിച്ച് ഇൻസ്റ്റാഗ്രാമിൽ ഇപ്പോൾ 'പൂക്കി മുഖ്യമന്ത്രി' എന്ന പേരിൽ തരംഗമായി മാറിക്കൊണ്ടിരിക്കുകയാണ് മുഖ്യമന്ത്രി വി.ഡി. സതീശൻ. കഴിഞ്ഞ ദിവസം വാർത്താസമ്മേളനത്തിനിടെ അദ്ദേഹം നൽകിയ ഒരു രസകരമായ ഭാവവും മറുപടിയുമാണ് ജെൻസി (Gen Z) വ്യത്യാസമില്ലാതെ ട്രോളുകളായും റീലുകളായും നെറ്റിസൺസ് ആഘോഷിക്കുന്നത്. വാഹന മോഡിഫിക്കേഷനുമായി ബന്ധപ്പെട്ട ചോദ്യത്തിന് അദ്ദേഹം നൽകിയ മറുപടിയാണ് ഇപ്പോൾ വൈറൽ ചിരിയായി മാറിയിരിക്കുന്നത്.

ഇപ്പോഴിതാ ഈ വൈറൽ റീലുകൾക്ക് പിന്നിലെ യഥാർത്ഥ കഥ എന്തെന്ന് സ്വയം വ്യക്തമാക്കി രംഗത്തെത്തിയിരിക്കുകയാണ് മുഖ്യമന്ത്രി. വോട്ട് തട്ടാൻ വേണ്ടി വെറുതെ പറഞ്ഞ വാക്കല്ല അതെന്നും ജനങ്ങളുടെ ആഗ്രഹങ്ങൾ നിറവേറ്റാനാണ് തങ്ങൾ അധികാരത്തിൽ വന്നിരിക്കുന്നതെന്നും അദ്ദേഹം വാർത്താസമ്മേളനത്തിൽ ഉറപ്പിച്ചു പറഞ്ഞു.

"ഒരു പയ്യനാണ് എന്നോട് ആ ചോദ്യം ചോദിച്ചത്. അവനോട് തോന്നിയ ഒരു വാത്സല്യം കൊണ്ടാണ് അങ്ങനെ മറുപടി നൽകിയത്. 'പേടിക്കേണ്ടെടാ… ശരിയാക്കാം' എന്ന മട്ടിലാണ് അപ്പോൾ സംസാരിച്ചത്. അത് ചെറുപ്പക്കാരുടെ ഇടയിലെ ഒരു ആഗ്രഹമല്ലേ? വാക്കല്ലേ പറഞ്ഞത്, ശരിയാക്കാമെന്ന് തന്നെ പറഞ്ഞു. എന്റെ മോളോട് പറയുന്നതുപോലെ തോന്നിയതുകൊണ്ട് സംസാരിച്ചതാണ്. ഇന്നലെ രാത്രി മകളാണ് ഈ വീഡിയോ എന്നെ കാണിച്ചുതന്നത്."

വാഹനങ്ങൾ മോഡിഫൈ ചെയ്യാൻ അനുവദിക്കുമെന്നത് യുവാക്കളുടെ വലിയൊരു ആഗ്രഹമാണെന്നും അതിൽ പേടിക്കേണ്ടതില്ലെന്നും വ്യക്തമാക്കിയ മുഖ്യമന്ത്രിയുടെ സ്നേഹത്തോടെയുള്ള ഭാവം സോഷ്യൽ മീഡിയ ഏറ്റെടുത്തു കഴിഞ്ഞു. നിരവധി ട്രോളുകളും മാഷ്അപ്പ് വീഡിയോകളുമാണ് 'പൂക്കി മുഖ്യമന്ത്രി' എന്ന ടാഗോടെ ഇപ്പോൾ ഇൻസ്റ്റാഗ്രാമിൽ തരംഗം സൃഷ്ടിക്കുന്നത്.