ജോലി വാഗ്ദാനം ചെയ്ത് പീഡനം; സിപിഐഎം പഞ്ചായത്തംഗം സി. സുജിത് രാജിവെച്ചു
പാലക്കാട് ∙ ജോലി വാഗ്ദാനം ചെയ്ത് യുവതിയെ പീഡിപ്പിച്ചെന്ന കേസിൽ പ്രതിയായ ശ്രീകൃഷ്ണപുരം ഗ്രാമപഞ്ചായത്ത് അംഗം സി. സുജിത് മെമ്പർ സ്ഥാനം രാജിവെച്ചു.
ശ്രീകൃഷ്ണപുരം ഗ്രാമപഞ്ചായത്തിലെ 13-ാം വാർഡ് അംഗവും വികസനകാര്യ സ്ഥിരം സമിതി ചെയർമാനുമായിരുന്ന സുജിത്, കേസിനെ തുടർന്ന് മുൻകൂർ ജാമ്യം നേടിയിരുന്നു.
ഇക്കഴിഞ്ഞ മേയ് മാസത്തിലാണ് ശ്രീകൃഷ്ണപുരം സ്വദേശിനിയുടെ പരാതിയുടെ അടിസ്ഥാനത്തിൽ പൊലീസ് സുജിത്തിനെതിരെ കേസെടുത്തത്. 13-ാം വാർഡായ രാഗം കോർണറിനെയാണ് അദ്ദേഹം പ്രതിനിധീകരിച്ചിരുന്നത്.
പരാതിക്ക് പിന്നാലെ സിപിഐഎം അന്വേഷണ വിധേയമായി സുജിത്തിനെ പാർട്ടിയിൽ നിന്ന് സസ്പെൻഡ് ചെയ്തിരുന്നു. ശ്രീകൃഷ്ണപുരം ലോക്കൽ കമ്മിറ്റിയാണ് അച്ചടക്ക നടപടി സ്വീകരിച്ചത്.
What's Your Reaction?
