നിപ്പ; മലപ്പുറത്ത് മരിച്ച സമ്പര്ക്ക പട്ടികയിലുള്ള സ്ത്രീയുടെ പരിശോധനാ ഫലം നെഗറ്റീവ്
പൂനൈ ഐസിഎംആര്-ബാറ്റ്സ് ടീം പാലക്കാട് എത്തി സാമ്പിളുകള് ശേഖരിച്ചു.
മലപ്പുറം: മലപ്പുറം കോട്ടക്കലിൽ മരിച്ച നിപ സമ്പർക്ക പട്ടികയിലുള്ള സ്ത്രീയുടെ പരിശോധനാഫലം നെഗറ്റീവ്. സംസ്ഥാനത്ത് നിപ സമ്പര്ക്കപ്പട്ടികയില് ആകെ 498 പേര് ഉള്ളതായി മന്ത്രി വീണാ ജോര്ജ് പറഞ്ഞു. ഇതിൽ 203 പേരും മലപ്പുറത്ത് നിന്നുമാണ്.
കോഴിക്കോട് 116 പേരും പാലക്കാട് 177 പേരും എറണാകുളത്ത് 2 പേരുമാണ് സമ്പര്ക്കപ്പട്ടികയിലുള്ളത്. മലപ്പുറത്ത് 11 പേരാണ് ചികിത്സയിലുള്ളത്. 2 പേര് ഐസിയു ചികിത്സയിലുണ്ട്. സെപ്റ്റംബർ വരെ നിപ കലണ്ടർ പ്രകാരമുള്ള പ്രതിരോധ പ്രവർത്തനങ്ങൾ ശക്തമാക്കാൻ ആരോഗ്യമന്ത്രി വീണാ ജോർജ് നിർദേശം നൽകിയിട്ടുണ്ട്.
പാലക്കാട് 3 പേര് ഐസൊലേഷനില് ചികിത്സയിലാണ്. പാലക്കാട് ജില്ലയില് 5 പേരുടെ ഫലം നെഗറ്റീവായി. 2 പേരെ ഡിസ്ചാര്ജ് ചെയ്തു. മലപ്പുറം ജില്ലയില് ഇതുവരെ 46 സാമ്പിളുകള് നെഗറ്റീവ് ആയിട്ടുണ്ട്. സംസ്ഥാനത്ത് ആകെ 29 പേര് ഹൈയസ്റ്റ് റിസ്കിലും 116 പേര് ഹൈ റിസ്ക് വിഭാഗത്തിലും നിരീക്ഷണത്തിലാണ്. പൂനൈ ഐസിഎംആര്-ബാറ്റ്സ് ടീം പാലക്കാട് എത്തി സാമ്പിളുകള് ശേഖരിച്ചു.
What's Your Reaction?
