ഇടുക്കിയിൽ ഓട്ടോ ഡ്രൈവർക്ക് സിഐയുടെ ക്രൂര മർദനം

 ഇടുക്കി:  ഇടുക്കി കൂട്ടാറിൽ പടക്കം പൊട്ടിക്കുന്നത് കാണാൻ നിന്നയാൾക്ക് പൊലീസിന്റെ ക്രൂരമർദനം. പുതുവത്സര ദിനത്തിലാണ് സംഭവം നടന്നത്. ഓട്ടോ ഡ്രൈവറായ മുരളീധരരാണ് കമ്പംമെട്ട് സിഐ ഷമീർ ഖാന്‍റെ ക്രൂര മർദമേറ്റത്. 

സംഭവത്തിന്റെ ദൃശ്യങ്ങൾ പുറത്തുവന്നു.  ആശുപത്രി ചെലവ് വഹിക്കാമെന്ന് പറഞ്ഞാണ് അന്ന് പൊലീസ് പരാതി ഒത്തുതീര്‍പ്പാക്കിയത്. എന്നാൽ ചികിത്സ ചിലവ് വഹിച്ചിരുന്നില്ല. തുടർന്നാണ് മുരളീധരന്‍ ഇടുക്കി എസ്.പിക്ക് പരാതി നല്‍കിയത്.

മ‍ർദ്ദനമേറ്റ് തൻ്റെ പല്ല് പൊടിപ്പോയെന്നും മുരളീധരൻ പറയുന്നു. സ്ഥലത്ത് നിന്ന് പിരിഞ്ഞു പോകണമെന്ന് ആവശ്യപ്പെട്ട് യാതൊരു പ്രകോപനവുമില്ലാതെ പൊലീസ് അക്രമിക്കുകയായിരുന്നു എന്ന് പരാതിയിൽ പറയുന്നു.

മുരളീധരനെ പോലീസ് തല്ലിയതിന്റെ ദൃശ്യങ്ങൾ ദിവസങ്ങൾക്ക് ശേഷമാണ് കുടുംബത്തിന് കിട്ടിയത്. തടുർന്ന് മകളുടെ നിര്ബന്ധത്തിലാണ് പോലീസിൽ പരാതി നൽകിയത്. എന്നാൽ സ്റ്റേഷനിൽ വിളിച്ച് മൊഴി എടുത്തെങ്കിലും നടപടിയൊന്നും ഉണ്ടായില്ലെന്നും അവർ പറഞ്ഞു.