വേനല്‍ ചൂടിന് നേരിയ ആശ്വാസം? സംസ്ഥാനത്ത് മഴ മുന്നറിയിപ്പ്; യെല്ലോ അലേര്‍ട്ട്

തിരുവനന്തപുരം: സംസ്ഥാനത്ത് വേനൽ ചൂടിനിടെ നേരിയ ആശ്വാസമാകാന്‍ മഴ. മാർച്ച് 11ന് മൂന്ന് ജില്ലകളില്‍ കേന്ദ്ര കാലാവസ്ഥാ വകുപ്പ് യെലോ അലേർട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. തിരുവനന്തപുരം, കൊല്ലം, പത്തനംതിട്ട ജില്ലകളിലാണ് യെലോ അലേർട്ട് പ്രഖ്യാപിച്ചത്. മാർച്ച് 11ന് ബാക്കിയുള്ള എല്ലാ ജില്ലകളിലും നേരിയതോ ഇടത്തരമായതോ ആയ മഴയ്ക്ക് സാധ്യതയുണ്ട്. 

കോട്ടയത്ത് ഇന്നലെ രാത്രി ഇടിമിന്നലോടെ പെയ്തത് മഴ അര മണിക്കൂറോളം നീണ്ടിരുന്നു. ഇന്ന് (മാര്‍ച്ച് എട്ട്) തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിൽ നേരിയ / ഇടത്തരം മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പിന്‍റെ അറിയിച്ചു.

മാർച്ച് 9ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിൽ നേരിയതോ ഇടത്തരമോ ആയ മഴയ്ക്ക് സാധ്യതയുണ്ട്. മാർച്ച് 10ന് തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിലാണ് നേരിയതോ ഇടത്തരമായതോ ആയ മഴ പെയ്യാൻ സാധ്യതയുള്ളത്.€