വെല്‍ഫെയറും കിയയുടെ കാര്‍ണിവലും സ്വന്തമാക്കി വിരാത് കോലി

ടൊയോട്ടയുടെ ആഡംബര എം പി വിയായ വെല്‍ഫെയറും കിയയുടെ കാര്‍ണിവലും സ്വന്തമാക്കി ക്രിക്കറ്റിലെ ഇതിഹാസ താരങ്ങളില്‍ ഒരാളായ വിരാത് കോലി. ഏകദേശം 1.32 കോടി രൂപയാണ് ഈ എം പി വിയ്ക്ക് എക്സ് ഷോറൂം വില വരുന്നത്. വൈറ്റ് ഷെയ്ഡാണ് വാഹനത്തിനായി കോലിയും അനുഷ്‌കയും തെരഞ്ഞെടുത്തിരിക്കുന്നത്. 64 ലക്ഷം രൂപ എക്സ് ഷോറൂം വില വരുന്ന കിയയുടെ കാര്‍ണിവലാണ് കോലിയുടെ ശേഖരത്തിലെത്തിയ മറ്റൊരു എം പി വി. 

വൈറ്റ് ഷെയ്ഡില്‍ തന്നെയാണ് ഈ വാഹനവും. ഹൈബ്രിഡ് സിസ്റ്റവുമായി പെയര്‍ ചെയ്തിട്ടുള്ള 2 .5 ലിറ്റര്‍, 4 സിലിന്‍ഡര്‍ പെട്രോള്‍ എന്‍ജിനാണ് വെല്‍ഫെയര്‍ വാഹനത്തിന്റെ കരുത്ത്. 240 എന്‍ എം ടോര്‍ക്കും 193 പി എസ് കരുത്തും ഉല്‍പാദിപ്പിക്കുമിത്. 2.2 ലിറ്റര്‍ ഡീസല്‍ എന്‍ജിനാണ് കാര്‍ണിവലിനു കരുത്ത്. 193എച്ച്പി കരുത്തും പരമാവധി 441എന്‍എം ടോര്‍ക്കും പുറത്തെടുക്കും.