ശ്രീനിവാസൻ്റെ സംസ്കാരം നാളെ വീട്ടുവളപ്പിൽ; ടൗണ്ഹാളില് പൊതുദര്ശനം
ഇന്ന് ഒരു മണി മുതല് മൂന്ന് മണി വരെ എറണാകുളം ടൗണ് ഹാളില് പൊതുദര്ശനം
കൊച്ചി: അന്തരിച്ച നടനും സംവിധായകനുമായ ശ്രീനിവാസൻ്റെ സംസ്കാര ചടങ്ങുകൾ നാളെ രാവിലെ നടക്കും. നാളെ രാവിലെ 10 മണിക്ക് തൃപ്പൂണിത്തുറ കണ്ടനാട് വീട്ടുവളപ്പിലാകും സംസ്കാര ചടങ്ങുകൾ നടക്കുക. സംവിധായകൻ രഞ്ജി പണിക്കരാണ് ഇക്കാര്യം മാധ്യമങ്ങളെ അറിയിച്ചത്.
ഇന്ന് ഒരു മണി മുതല് മൂന്ന് മണി വരെ എറണാകുളം ടൗണ് ഹാളില് പൊതുദര്ശനം. മുഖ്യമന്ത്രി പിണറായി വിജയനുൾപ്പെടെ ആദരാഞ്ജലി അർപ്പിക്കാനെത്തും. പൂർണ ഔദ്യോഗിക ബഹുമതികളോടെയായിരിക്കും സംസ്കാരമെന്ന് സിപിഎം സെക്രട്ടറി എംവി ഗോവിന്ദൻ അറിയിച്ചിരുന്നു.
ഡയാലിസിസിന് പോവുന്നതിനിടെയാണ് ശ്രീനിവാസന് തളർച്ച അനുഭവപ്പെട്ടതും തൃപ്പൂണിത്തുറയിലെ താലൂക്ക് ആശുപത്രിയിലെത്തിക്കുന്നതും. ഉടനെ തന്നെ മരണം സ്ഥിരീകരിച്ചു. ശ്രീനിവാസനെ അനുസ്മരിച്ച് രാഷ്ട്രീയ സാമൂഹിക മേഖലയിലെ പ്രമുഖർ രംഗത്തെത്തി. നിരവധി പ്രമുഖർ അദ്ദേഹത്തെ അവസാനമായി ഒരുനോക്ക് കാണാനും എത്തി.
What's Your Reaction?
