റെയ്സ് സിദ്ധിക്കിന്റെ ‘ഹലോ യൂബർ’ പൂജ കഴിഞ്ഞു; ചിത്രീകരണം ഉടൻ

കൊച്ചി: *ഒരു കഥ പറയും നേരം* എന്ന ചിത്രത്തിലൂടെ ശ്രദ്ധേയനായ റെയ്സ് സിദ്ധിക്ക് രചനയും സംവിധാനവും നിർവ്വഹിക്കുന്ന പുതിയ സിനിമ *ഹലോ യൂബർ*ന്റെ പൂജ എറണാകുളം വൈ.എം.സി.എ ഹാളിൽ നടന്നു.

ചടങ്ങിൽ നടൻ ശങ്കറും, നിർമ്മാതാവ് മധുസൂധനൻ മാവേലിക്കരയും ഭദ്രദീപം തെളിച്ച് ഉദ്ഘാടനം ചെയ്തു. തുടർന്ന് ചിത്രത്തിന്റെ ടൈറ്റിൽ ലോഞ്ച് നടൻ ശങ്കർ നിർവ്വഹിച്ചു. മാധ്യമ പ്രവർത്തകൻ ജോസ് സ്വാഗതം പറഞ്ഞ ചടങ്ങിൽ സംവിധായകൻ റെയ്സ് സിദ്ധിക്ക് സിനിമയെക്കുറിച്ച് വിശദീകരണം നൽകി.

നിർമ്മാതാക്കളായ മധുസൂധനൻ നായർ, സി.എം.പി.കെ. റഹീം, സിദ്ധിക്ക്, ക്യാമറാമാൻ എസ്. ഇളയരാജ, അയ്മനം സാജൻ, മോഹൻ ടി. കുറിച്ചി തുടങ്ങി പ്രമുഖ സിനിമാ പ്രവർത്തകർ ആശംസകൾ നേർന്നു.

എയിം ടൈം മീഡിയ, ഗ്ലാഡിസൺ ഗ്ലോബൽ, ഫ്രെയിം ടു ഫ്രെയിം എന്നീ ബാനറുകളിൽ മധുസൂധനൻ മാവേലിക്കര, സി.എം.പി.കെ. റഹീം, സിദ്ധിക്ക് എന്നിവർ നിർമ്മിക്കുന്ന ചിത്രത്തിൽ ക്യാമറ എസ്. ഇളയരാജ നിർവ്വഹിക്കും. ഗാനരചന ശ്രീജിത്ത് ഉണ്ണികൃഷ്ണനും വിഷ്ണു തിരുമേനിയുമാണ്. സംഗീതം പി.സി. ശിവൻ, എഡിറ്റിംഗ് ശ്രീധർ.

ചീഫ് അസോസിയേറ്റ് ഡയറക്ടർ മധുസൂധനൻ മാവേലിക്കര, പ്രൊഡക്ഷൻ കൺട്രോളർ അജയഘോഷ്, പ്രൊഡക്ഷൻ ഡിസൈനർ ഡിക്സൺ ജോൺ, ആർട്ട് ഡയറക്ടർ സുരേഷ് മന്ത്ര, സംഘട്ടനം ട്രാഗൺ ജിറോഷ്, ഡി.ഐ വിനീത് വി. കർത്ത, മേക്കപ്പ് ധർമ്മൻ-ഹക്കീം, കോസ്റ്റ്യൂം അമീർ, കോറിയോഗ്രാഫി മാസ്റ്റർ ജീവിത്, സ്റ്റിൽ പ്രേംപ്രകാശ്, പബ്ളിസിറ്റി ഡിസൈൻ-ഓൺലൈൻ പ്രമോഷൻ ഷിനോജ് സൈൻ, പി.ആർ.ഒ അയ്മനം സാജൻ എന്നിവരാണ് മറ്റു പ്രവർത്തകർ.

തമിഴിലും മലയാളത്തിലുമുള്ള പ്രമുഖ താരങ്ങൾ അണിനിരക്കുന്ന ചിത്രം ഒക്ടോബർ ആദ്യത്തിൽ എറണാകുളത്ത് ചിത്രീകരണം ആരംഭിക്കും.