രാഹുൽ സദാശിവന്റെ അടുത്ത ചിത്രത്തിൽ പൃഥ്വിരാജും മഞ്ജു വാര്യരും; ഹൊറർ വിസ്മയവുമായി വീണ്ടും സംവിധായകൻ

മലയാള സിനിമയിൽ ഹൊറർ ചിത്രങ്ങൾക്ക് പുതിയ ഭാവുകത്വം നൽകിയ സംവിധായകൻ രാഹുൽ സദാശിവൻ തന്റെ അടുത്ത ചിത്രത്തിനായി ഒരുങ്ങുന്നു. 'ഭൂതകാലം', 'ഭ്രമയുഗം', 'ഡീയസ് ഈറേ' എന്നീ ശ്രദ്ധേയമായ സിനിമകൾക്ക് ശേഷം വീണ്ടുമൊരു ഹൊറർ പശ്ചാത്തലത്തിലുള്ള ചിത്രവുമായാണ് അദ്ദേഹം എത്തുന്നത്.

പുതിയ ചിത്രത്തിൽ വൻ താരനിര അണിനിരക്കുമെന്നാണ് റിപ്പോർട്ടുകൾ സൂചിപ്പിക്കുന്നത്. മലയാളത്തിന്റെ പ്രിയതാരങ്ങളായ പൃഥ്വിരാജും മഞ്ജു വാര്യരും ചിത്രത്തിൽ പ്രധാന വേഷങ്ങളിൽ എത്തുമെന്ന വാർത്ത സിനിമാപ്രേമികൾക്കിടയിൽ വലിയ ആവേശമാണ് ഉണ്ടാക്കിയിരിക്കുന്നത്.

രാഹുലിന്റെ ഒടുവിൽ പുറത്തിറങ്ങിയ ഈ ചിത്രം പ്രണവ് മോഹൻലാലിന്റെ കരിയറിലെ ഏറ്റവും വലിയ വിജയങ്ങളിലൊന്നാണ്. 80 കോടിയിലധികം രൂപ ബോക്‌സ് ഓഫീസിൽ നിന്ന് ചിത്രം നേടിയെടുത്തു. പ്രണവിന്റെ അഭിനയമികവും രാഹുലിന്റെ തിരക്കഥയും ഏറെ പ്രശംസിക്കപ്പെട്ടു.

 മമ്മൂട്ടിക്ക് വീണ്ടും മികച്ച നടനുള്ള സംസ്ഥാന അവാർഡ് നേടിക്കൊടുത്ത ഈ ബ്ലാക്ക് ആൻഡ് വൈറ്റ് ചിത്രം അന്താരാഷ്ട്ര തലത്തിലും ശ്രദ്ധ നേടി. 2026 ഫെബ്രുവരി 12-ന് ഓസ്‌കാർ അക്കാദമി മ്യൂസിയത്തിൽ ചിത്രം പ്രദർശിപ്പിച്ചിരുന്നു. ചിത്രത്തിലെ പ്രകടനത്തിലൂടെ സിദ്ധാർത്ഥ് ഭരതന് മികച്ച സ്വഭാവ നടനുള്ള പുരസ്‌കാരവും ലഭിച്ചു. 'ഭൂതകാലം' മുതൽ തുടങ്ങിയ രാഹുലിന്റെ വേറിട്ട മേക്കിംഗ് ശൈലി മലയാള സിനിമയിലെ ഹൊറർ വിഭാഗത്തിൽ പുതിയൊരു നിലവാരം തന്നെ സൃഷ്ടിച്ചു.