ഫ്രാൻസിൽ ‘ഭാരത് ഇന്നൊവേറ്റ്സ് 2026’; മോദിയും മക്രോയും ചേർന്ന് ഉദ്ഘാടനം ചെയ്തു

പാരിസ്∙ ഫ്രാൻസിലെ നീസിൽ നടന്ന ‘ഭാരത് ഇന്നൊവേറ്റ്സ് 2026’ പരിപാടി പ്രധാനമന്ത്രി Narendra Modiയും ഫ്രഞ്ച് പ്രസിഡന്റ് Emmanuel Macronയും ചേർന്ന് ഉദ്ഘാടനം ചെയ്തു. ചടങ്ങിൽ സംസാരിച്ച മോദി ഇന്ത്യയും ഫ്രാൻസും തമ്മിലുള്ള പ്രത്യേക പങ്കാളിത്തത്തെ എടുത്തുപറഞ്ഞു.

സമാനമായ കാഴ്ചപ്പാടുകളും താൽപര്യങ്ങളുമാണ് ഇരുരാജ്യങ്ങളെയും കൂടുതൽ അടുപ്പിക്കുന്നതെന്ന് മോദി പറഞ്ഞു. ഇന്ത്യയും ഫ്രാൻസും തമ്മിൽ നല്ല ബന്ധവും പരസ്പര വിശ്വാസവും നിലനിൽക്കുന്നുവെന്നും അദ്ദേഹം വ്യക്തമാക്കി.

നൂതന ആശയങ്ങൾ ഇന്ത്യയുടെ ഡിഎൻഎയുടെ ഭാഗമാണെന്നും ആയിരക്കണക്കിന് വർഷങ്ങളായി തങ്ങളുടെ കണ്ടുപിടിത്തങ്ങളിലൂടെ ലോകത്തിന് ഇന്ത്യ ദിശാബോധം നൽകിയിട്ടുണ്ടെന്നും പ്രധാനമന്ത്രി പറഞ്ഞു. ഇന്ന് ഇന്ത്യ ടെക്നോളജി ഉപയോഗിക്കുന്ന രാജ്യം മാത്രമല്ല, അത് ലോകത്തിന് നൽകുന്ന രാജ്യം കൂടിയാണെന്ന് അദ്ദേഹം കൂട്ടിച്ചേർത്തു.

ജനങ്ങളുടെ നന്മ ലക്ഷ്യമിട്ടാണ് ഇന്ത്യ ഓരോ കണ്ടുപിടിത്തങ്ങളും വികസിപ്പിക്കുന്നതെന്നും ആ കാഴ്ചപ്പാടിനെ മുന്നോട്ട് കൊണ്ടുപോകാനാണ് ‘ഭാരത് ഇന്നൊവേറ്റ്സ്’ പോലുള്ള സംരംഭങ്ങൾ ശ്രമിക്കുന്നതെന്നും മോദി പറഞ്ഞു.