ജമ്മു കശ്മീരില്‍ സ്ഫോടനം; ഒരു ജവാന് വീരമൃത്യു

ശ്രീനഗര്‍: ജമ്മു കശ്മീരിലെ പുഞ്ചിൽ നിയന്ത്രണ രേഖയോട് ചേർന്നുണ്ടായ സ്ഫോടനത്തില്‍ ഒരു ജവാന് വീരമൃത്യു. രണ്ട് പേർക്ക് പരിക്കേറ്റു. അ​ഗ്നിവീർ ലളിത് കുമാർ ആണ് വീരമൃത്യു വരിച്ചത്. കുഴി ബോംബ് പൊട്ടിത്തെറിച്ചാണ് സ്ഫോടനം ഉണ്ടായത്. ഇന്ന് രാവിലെയാണ് സംഭവം.

കൃഷ്ണ ​ഘാട്ടി ബ്രി​ഗേഡ് പ്രദേശത്ത് നടന്നുവന്നിരുന്ന പട്രോളിങ്ങിനിടെയാണ് സ്ഫോടനം ഉണ്ടായത്. ഇതിന്‍റെ ഭാ​ഗമായി സുരക്ഷാ പരിശോധന നടത്തുന്നതിന് നിയന്ത്രണ രേഖയ്ക്ക് അടുത്തെത്തിയതായിരുന്നു ജവാന്മാർ. അപ്പോൾ അവിടെ സ്ഥാപിച്ചിരുന്ന കുഴിബോംബ് പൊട്ടിത്തെറിക്കുകയായിരുന്നു. കഴിഞ്ഞ കുറച്ചു ദിവസങ്ങളായി മേഖലയിൽ സുരക്ഷ ശക്തമാക്കിയിരുന്നു. ​ഗുരുതരമായി പരിക്കേറ്റ ജവാന്മാരെ മിലിട്ടറി ആശുപത്രിയിൽ പ്രവേശിപ്പിച്ചു.