നെല്ലിയാമ്പതിയിൽ ദാരുണ അപകടം; മരപ്പാലത്തിൽ നിന്ന് കാൽവഴുതി വീണ യുവാവിന് ജീവൻ നഷ്ടമായി
പാലക്കാട് നെല്ലിയാമ്പതിയിലെ വിനോദസഞ്ചാര കേന്ദ്രത്തിൽ ഉണ്ടായ അപകടത്തിൽ യുവാവ് മരിച്ചു. കൊല്ലങ്കോട് പയ്യലൂർ സ്വദേശിയായ സിജിൻ (42) ആണ് മരിച്ചത്. ബുധനാഴ്ച നെല്ലിയാമ്പതി സന്ദർശിക്കുന്നതിനിടെയായിരുന്നു ദാരുണ സംഭവം.
മരപ്പാലത്തിന് സമീപം കാഴ്ചകൾ ആസ്വദിച്ച് നിൽക്കുന്നതിനിടെ സിജിന്റെ കാൽവഴുതി താഴേക്ക് പതിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ അദ്ദേഹത്തെ ഉടൻ തന്നെ നാട്ടുകാരും രക്ഷാപ്രവർത്തകരും ചേർന്ന് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
മൃതദേഹം ഇൻക്വസ്റ്റ് ഉൾപ്പെടെയുള്ള നടപടികൾക്കായി മോർച്ചറിയിലേക്ക് മാറ്റി. സംഭവത്തിൽ കൂടുതൽ അന്വേഷണം പുരോഗമിക്കുകയാണ്.
What's Your Reaction?
